ID: 10
 Data e postimit: 0000-00-00 00:00:00
Titulli: Pesha e kryqit
Lloji: Poezi lirike
Tema: Pesha e kryqit
Autori: Vasil Tabaku
Qyteti: Tirane
E-mail: vasiltabaku@yahoo.com
Teksti:
PESHA E KRYQIT

Ose dhimbja e poetit...

Ju i ngulni gozhdët
Kryqi është imi
Pesha e tij
Ka vite që ma kërrus shpinën.
Gjithmonë kështu ka qenë
Dikush duhet ta ngrinte Kryqin
Jo të gjitha peshat janë njësoj.
Kjo peshë qenka kaq shumë e rëndë.
Më e rëndë se mali Galile, (Golem)
Më mirë të mbaj një det mbi supe,
Të ngre qiellin.
Botën mund ta mbaj gjer në vdekje

Gozhdët
I kam marr prej jush.
Dora juaj godet dhe godet
Gjersa trupi im dhe Kryqi bëhen një

Unë
Jam kryqi i gjallë
Eci me ju
Në rrugët tuja plot mëkate
Jam mes jush, tek ju, për ju
Unë
Kryqi i gjallë

Se bota
Më mbanë mua dhe peshën e Kryqit...