YourLiterary.com | Ese, Tekst, Poezi, Tregime Shqip | Shqip | Abonimi

Pergjigjet e fundit!

Autori: INA
Email: ina2@gmail.com
Shkolla: 7 marsi
Klasa: 8
Teksti:

Fjala dashuri, është një ndër fjalët më të përdorura nga të gjitha moshat dhe nga të gjitha kategoritë e njerëzve: i vogël apo i madh, i ri apo i moshuar, i pasur apo i varfër, intelektual apo i pashkolluar. Kjo do të thotë se është një forcë dhe një virtyt pa të cilin nuk mund të jetohet e nuk i mohohet askujt. Dashuria, është gjithashtu një ndër fjalët më të përdorura edhe në shkrime të ndryshme, si fetare ashtu edhe shoqërore.Për dashurinë janë shkruar shumë libra, poezi, ese, janë thurur shumë vargje, por ajo nuk kërkohet të mbetet vetëm në të shkruar apo në fjalë, por të dhurohet e të praktikohet. Dashuria, është një nga ato virtyte për të cilat çdo njeri do të dijë, të flasë e të shkruaj. Një ndjenjë që çdo njeri e përjeton në mënyra të ndryshme. Por, a janë të gjithë të aftë të dhurojnë dashuri? Kjo është një pyetje që secili prej nesh duhet t’ia drejtojë vetes dhe t’i përgjigjet. Këtu nuk flitet për një dashuri të shkruar ose të shprehur me fjalë, por për një dashuri të vërtet dhe që dhurohet për tjetrin. Sepse, ajo është pjesë e eksperiencës njerëzore, është ajo që jetohet. Është virtyti që i jep jetës kuptim. E nga kjo arrihet të kuptohet se dashuria është një nevojë për secilin njeri, pa dallim moshe.

Ta përkufizosh dashurinë është e vështirë, sepse dashuria është një eksperiencë njerëzore e nuk ka fjalë që e përkufizon atë. Është ajo që tregon për ekzistencën e Zotit. E që të kuptojmë se Zoti ekziston, kërkohet që të besojmë dhe ta ndjejmë. Kështu ndodh edhe me dashurinë që kërkon besim, ndjeshmëri dhe respekt. Nuk ka dëshmi tjetër për të treguar sesa njeriu do, ekziston Zoti pikërisht se njeriu nuk mund të jetojë pa dashuri. Ekziston Zoti, sepse vetë Zoti është DASHURI, ndaj është një ndjenjë jetësore, e bukur dhe krejt e natyrshme- aq e madhe dhe e thellë sa vështirë të matet apo të përkufizohet.

Por ajo që mund të thuhet mbi dashurinë e që përmbledh gjithçka, është fjala JETË. Mahatma Gandhi thotë: Aty ku është dashuria, aty është jeta. Kurse Tolstoi thotë: Ku është dashuria, aty është edhe Zoti. Kështu që nuk mund të kuptohet një jetë pa dashuri dhe një dashuri pa jetë, e nuk mund të kuptohet një Zot pa dashuri dhe një dashuri pa Zot. Këto janë të lidhura ngushtë njëra me tjetrën dhe nuk mund të shihen e nuk mund të ndjehen të ndara, Zoti, Dashuria dhe Jeta. Pra, dashuria është jetë, e jeta është dhuratë e Zotit. Është ajo që kërkohet të jetohet, dhurohet, e përjetohet çdo ditë sot e tani, e jo të presim nesër. Sepse, ajo i përket të tashmes vetëm në të tashmen është e vërtetë.

Dashuria, më shumë se një zgjedhje, është një nevojë të cilën secili njeri e ndjen në jetë. Qysh në fëmijëri shfaqet kjo nevojë e vazhdon deri sa njeriu të jetojë. Dashuria, është vullneti që nxit zhvillimin tonë shpirtëror për të arritur pjekurinë ose plotësimin e vetvetes dhe të tjerëve. Ajo është një proces rrethor ciklik, shumë evolutiv, proces i ngritjes apo i zgjerimit të së vërtetës.

Pergjigju abonimit te mesiperm:

	Faqja Kryesore	Posto vepren tende	Abonohu	Projekte

Data sot:

Sa shpesh e perdorni YourLiterary.com?

Pergjigjet e fundit!