Data e postimit: 2011-11-15 12:59:58
Titulli: LOJË
Lloji: Poezi lirike
Tema: LOJË
Autori: Vasil Tabaku
Qyteti: Tirane
E-mail: Email eshte i fshehur!
Teksti:
Luan
macja me miun
Politika banale
luan me fatet tona
Luan femra
me ndjenjat
e brishta të burrit
Luan heshtja
me zhurmat e harruara
Një lojë mortore
e përjetshme
vallëzon
mbi gurët e thyer të rrugës
Të gjithë luajmë
luajmë
dhe bëjmë sikur
jemi të qetë
bëjmë sikur...
luajmë ashtu kot
Luajmë pa shpresë
Luajmë
dhe nuk dimë pse luajmë
Luajmë me jetën
Një qarjeqeshje e gjatë pa fund
Qeshim me lodrat tona
duke u shndërruar pak e nga pak
lodra në duart e të tjerëve...