Data e postimit: 2011-11-17 07:52:29
Titulli: Më kapi nata udhës
Lloji: Poezi lirike
Tema: Më kapi nata udhës
Autori: Vasil Tabaku
Qyteti: Tirane
E-mail: Email eshte i fshehur!
Teksti:
Më kapi nata udhës



Nata
Më zuri udhës miku im.
Më zuri nata.
Nuk e shoh më shpirtin...
Buzëqeshja
Fshehur si lulja nën degë…

Më zuri nata
Në mes të udhës
Fjalët
Të vërbërta si murgjër
Vërtien brenda meje
Si brenda një pusi të thellë.
...dhe dhimbja
godet kraharorin
dhe ndeze rrufete...

Më zuri nata miku im
Nuk e shoh dorën që më zgjatet
Ka humbur bastuni
Rreth e rrotull
As edhe një dritë
Ngjyrat
Janë bërë të gjitha njësoj
Nuk ka më të bardhë
Nuk ka të kaltër apo të zezë…
Per mua
drita mbetet thjesht
nje perfytyrim...

Më zuri nata udhës
Me yje të verbuar
Dhe Hënën fshehur
Në xhepat e mi…
Sa e vështirë miku im
Natën ta pranosh brenda vetes…