Data e postimit: 2011-12-07 07:28:54
Titulli: DRITHËRIMË
Lloji: Poezi lirike
Tema: DRITHËRIMË
Autori: Vasil Tabaku
Qyteti: Tirane
E-mail: Email eshte i fshehur!
Teksti:
DRITHËRIMË

Ndër duar
një e qarë fëmije,
një tufë dënesash
ngrihen nëpër hapësirë
si një tufë zogjsh
ku dikush ka qëlluar më armë...

Mbi duart e mia
copëra belbëzimesh dhe drithërima
nuk di nga binin...
Diku
një fëmijë qante
mbase për lodrën e tij,
ndoshta për një trill
apo thjeshtë për bukë...

Një e qarë fëmije
vrapon nëpër rrugë
duke u penguar nëpër gurë...