Data e postimit: 0000-00-00 00:00:00
Titulli: Paralize
Lloji: Poezi lirike
Tema: Paralize
Autori: Demir Gjergji
Qyteti: Tirane
E-mail: Email eshte i fshehur!
Teksti:
Si të shkoj, ta gjej vetveten,
Atje larg, ku po vetmon?!
Udhët ma ndalojnë ecjen.
Mbrapsht më kthejnë në çdo stacion!

Qëkur nuk na shohin bashkë,
Kanë shpallur shtetrrethim,
Mpihen, thahen ditë e natë,
Si gjymtyrë në lëngim!

Bëj të shkoj tek ajo tjetra,
Në çast ngrij e bëhem gur!
Në kryqëzime, nëpër kthesa,
Shfaqesh ti si një torturë.

Të gjithë rrugët m’i ke prerë ,
Ma ke zënë trafikun krejt!
Si të shkoj, ta deh me verë,
Atë tjetrën që më pret?