Data e postimit: 0000-00-00 00:00:00
Titulli: Shi
Lloji: Poezi lirike
Tema: Shi
Autori: Vasil Tabaku
Qyteti: Tirane
E-mail: Email eshte i fshehur!
Teksti:
SHI


Në shpirt bie shi
Pemët buzë rrugës
Ngrihen si pikëllim i blertë
Nën qiellin prej uji

Fytyra e ditës së sotme
Ndërtuar nga pika loti.
Regëtinë
si një fragment i trisht hëne.

Tej në horizont
Kuajt e lodhur të bubullimave
Në nofullat e fuqishme
mbajnë vetëtimat

Qenka e thënë miku im
Të shkojmë drejt ëndrrës
Përmes shiut
Në të vërtetë
Ne jemi
një fushëtirë e shkretë në shi
Në pritje të vetvetes.