Data e postimit: 0000-00-00 00:00:00
Titulli: Luaj dramen time
Lloji: Poezi lirike
Tema: Drama ime
Autori: Vasil Tabaku
Qyteti: Tirane
E-mail: Email eshte i fshehur!
Teksti:
LUAJ DRAMËN TIME

(Pjesa e parë)

Baltën
Heq nga shpirti...
Fjalët
Fshijnë çdo gjurmë ndotjeje.
Megjithatë
Askush
Nuk është i lutur të më besoj...

(Pjesa e dytë)

Jam krejt i sythyer
Si trungu në pranverë
Vajza
Vjen dhe ndër qerpikët
Mbi bisqet e brishta.
Ndodh që ndonjë bisk të këputet...

Pastaj
Lulëzoj
Duartrokitjet tuaja
Janë fshehur
tek shiu mbi gjethe...

(Pjesa e tretë)

Provova lumturinë
Këndova
Në fund
theva kitarën
Dikush qeshi
Një tjetër
Nxori gjuhën
Vonë
Punëtori i skenës
Mbetjet e këngës sime
Hodhi në koshin e plehrave...

(Pjesa e katërt)

Skenat e trishtuara
Ju gjithsesi i merrni me mend
E dini se çdo të thotë
Të jesh i uritur, i papunë, i vetëm
Të jesh kukulla e vetvetes
Dhe me vetveten
Të kesh luajtur kaq tragjikisht...

(pjesa pa numër)

Drama nuk ka mbaruar
Thjesht ishte...
Më falni është një dramë
Ku gjithçka bëhet me sikur...
Sikur... qesh
Sikur je i lumtur
sikur... pra gjithçka
është një SIKUR...