Data e postimit: 0000-00-00 00:00:00
Titulli: E vjeter
Lloji: Poezi lirike
Tema: E vjeter
Autori: Vasil Tabaku
Qyteti: Tirane
E-mail: Email eshte i fshehur!
Teksti:
E VJETËR

Nuk e di
pse ndodh gjithmonë kështu
nuk e di çfarë magjie
përdorin disa politikanë cinikë
turma të varfra njerëzish
shkojnë pas tyre
kur në një kohë tjetër
këta djaj të politikës
nuk do ti pranonin
as t’ua fshinin këpucët...

Megjithatë
ata rendin pas këtyre lolove
me fjalë të lustrosura
të vjedhur nga librat
dhe i dëgjojnë me orë të tëra
sikur të ishin dishepujt e paqes...

Turma e njerëzve
përsëri
mbeti e zhgënjyer
këtë herë
politikanët
iu vodhën xhepat e tyre...
Nuk po gjejnë dot buzëqeshjen
dikush nga turma
më tha mos ndoshta
e kisha parë buzëqeshjen e tij diku.