Data e postimit: 0000-00-00 00:00:00
Titulli: Puthja e zambakeve
Lloji: Poezi lirike
Tema: Puthja e zambakeve
Autori: Vasil Tabaku
Qyteti: Tirane
E-mail: Email eshte i fshehur!
Teksti:
PUTHJA E ZAMBAKËVE

Këta qiej vjeshte
si murgjër të trishtë
me pelerina reshë
janë peng
i dashurisë sime.

Guvat e verbra të syve të mi
janë mbushur
plotë cicërima zogjsh.
Nëpër këtë boshllëk gri
endem
duke të kërkuar ty.
I hap rrugë hapave të Hënës
me gishtat e ngrirë
kreh flokët e shpupuritur të erërave
dhe luaj
me përfytyrimin tënd
duke pritur
çdo muzg puthjen e zambakëve