Data e postimit: 2021-04-11 21:56:16
Titulli: PAK DURIM...
Lloji: Poezi dramatike
Tema: Poezi Për Nënën
Autori: sead kafellari
Qyteti: tirane
E-mail: Email eshte i fshehur!
Teksti:
S'më duket se ike përgjithmonë,
por ke ndaluar pas një udhëtimi.
Zoti në stacionin e fundit gabimisht
ty të zbriti.

Dhe unë tashmë kam marrë trenin
që do të më sjellë tek ti.
Nuk di të t'them se kur do t'mbërrij
ekzaktësisht.

Mund të ketë edhe vonesa, Nënë,
e di si janë trenat, asnjëherë fiks.
Rëndësi ka që do të takohemi,
pak durim...