Familja, gjithnjë e më pak vendimtare në zgjedhjet e adoleshentëve
Jo më fëmijë, por as të rritur, ende. Është kjo faza e tranzicionit, nëpër të cilin enden adoleshentët, të cilët jo vetëm për shkak të moshës, por edhe për shkak të kushteve të zhvillimit psiko-social që shoqërojnë këtë stad të jetës, shpesh bëhen burim kontraditash dhe problemesh.
Të shkëputur nga mosha e fëmijërisë, ku perceptimi e bashkë me të edhe gjykimi mbi fenomene, objekte, individë, është thuajse i formuar plotësisht, adoleshentët e kanë gati të pamundur, të jenë të vendosur për të marrë përgjegjësi si të rritur, sepse në fakt, ata nuk janë të tillë.Problemi më i madh që prindërit kanë sot me fëmijët e tyre është mungesa e komunikimit. “Gjatë seancave këshillmore me nxënësit, por edhe me prindërit, më rezulton se problem më i madh që kanë të dyja palët, është vendosja e një ure efektive komunikimi. Prindërit, ndonëse dikur edhe vetë adoleshentë, e kanë të vështirë të kuptojnë shumë situate/ veprime, të kryera nga fëmijët e tyre. Kohët ndryshojnë, e po kështu edhe sjelljet, ndaj nuk mund të jenë tërësisht të përgatitur për fazat që fëmija i tyre do kalojë. Nga ana tjetër, adoleshenti, është një model “ende i butë”, mbi të cilin forca dhe faktorë të ndryshëm socialë, mund të ndikojnë, duke i dhënë formë, përtej modelimit që është munduar t’i japë familja.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
ana ana - http://sq.yourliterary.com/vepra/Tekst+argumentues/%3D+prind+femije/3619
