Franck Kafka mund të konsiderohet si një ndër shkrimtarët më me ndikim të shekullit XX.I cili solli një frymë të re në letërsinë botërore,që nuk ishte parë kurrë më parë.Për të njohur më mirë gjenialitetin e Kafkës,në fillim duhet të ndalemi te jeta e tij.Ai lindi në Pragë,nga një familje me origjinë çifute dhe e gjermanizuar.Prandaj,për faktin se ishte hebre,përjashtohej nga komuniteti gjerman i Pragës.Por ai ndihej i veçuar dhe nga hebrejtë,për shkak se ishte më intelektuali ndër ta.Gjithashtu,Kafka kërcënohej në mënyrë sistematike nga i ati.Duke i thënë se do ia grinte mishin si të peshkur.Ndërsa në fizik,ai ishte shëndetlig dhe aspak tërheqës.Të gjitha këto ndikuan goxha në personalitetin e Kafkës.Por kjo gjë zuri vend dhe në veprat e tij.Në personazhin e Kafkës,mbizotëron ndjenja pesimiste dhe e fajësisë.Në mendjen e tij,vërtitet vetëm një mendim.Që është fajtor për një krim të paqartë.Kjo ndjenjë lind si pasojë e shtypjes,presionit psikologjik të sistemit që ushtrohet mbi Kafkën dhe personazhet e tij.Sipas tij,në këtë sistem ku në thelb është absurdi njerëzor,i dobëti është fajtor vetëm sepse ekziston.Gjithashtu shpreh që protesta në këtë sistem armiqësor dhe çnjerëzor,nuk sjell asgjë.Por vetëm shtim të fajit vetjak.Mënyra e vetme që Kafka gjen për ti shpëtuar kësaj torture psikologjike e shtypëse,është që të mënjanohet.Pra,të bëhet sa më i padukshëm e i heshtur.Kjo shpjegon dhe faktin që ai i la testament shokut të tij,Maks Brodit,që të digjte të gjitha dorëshkrimet.Në personalitetin e Kafkës,një tipar tjetër karakteristik është nihilizmi ekzistencial.Ndërsa,të shkruarit i jepte atij një motiv për të justifikuar ekzistencën e tij.Edhe pse kur e analizon në mënyrë të thjeshtë Franc Kafka paraqitet i rrethuar nga ankthi,pesimizmi i shkajsëm dhe mungesa e lumturisë tjetër,sërish ai shpalos dhe një anë tjetër.Shpalos dhe aspiratën për të jetuar në një botë më të sigurtë dhe të barabartë.Në thelb kjo është ajo që të gjithë e duam dhe shkrimtarë të tjerë kanë shkruar.Ama ,mënyra se si Kafka e jep këtë mesazh,është unikale në llojin e tij.Sepse ka aftësinë që ti tregojë njeriut realitetin e mjerueshëm në të cilin po jeton.Pa përdorur zbukurime,romantizma a idealizma të panevojshme.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
Kevin Çika - http://sq.yourliterary.com/vepra.php?id=7436&lloji=Analize+letrare
