Çfarë është miqësia vallë?
Vallë është komedi?
Të qeshura pafund e pa shkak,
Aventura,muzikë,dreka e darka,
Thashetheme me krip a pa krip
Dhe shumë limonat.
Apo vallë është dramë?
Një dramë me shumë a pak aktorë
Në qendër të së cilës, sigurisht,
Qëndron gjithmonë një personazh kryesor.
Dhe me shpresën që ky protagonist je ti,
Akton dhe aktron pambarimisht
Sepse në të kundërt, i dashur miku im,
Je duke luajtur një tragjedi.
Fundin tragjik të së cilës do e vuash ti!
Vallë të jetë miqësia një monodramë?
Ku i vetëm mes shumë zërash qëndron
Dhe bërtet për veshët e shurdhët që s'dëgjojn',
Por mirësisht të miklojnë
Me fjalë plot embëlsi
Që hidhërisht, veç të hidhërojnë.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
