Është e drejta e gjithkujt të jetë i lirë në mendime por edhe në veprim. Liria është e rëndësishme dhe ka vlerë të madhe se pa liri jeta nuk ka kuptim.
- Është e vështirë të shkruhet me fjalë; ajo duhet të përjetohet. Liria është respektimi i të drejtave njerëzore, aftësia, mundësia e njeriut për t’u shprehur e për të vepruar. Është e vetmja që nuk ka çmim, fjala “Liri” por jo të gjithë ia dinë vlerën.
- Më pëlqen të mendoj se jam i lirë, kam aftësinë për të bërë zgjedhjen time. Pra, të gjithë kanë të drejtë të mendojnë e veprojnë, pozitivisht ose negativisht.Jeta është një sfidë e vazhdueshme; të përball aty ku ndoshta imagjinata jote nuk do të kishte dashur kurrë të përballej.
- Ekziston një lidhje relative midis lirisë së mendimit dhe veprimit, pasi nuk zotërojmë liri absolute për gjithçka. Një njeri i lirë nuk ka frikë të shprehë individualitetin e tij. Rruga drejt lirisë nuk është e lehtë për ata që sot ndoshta ndodhen të izoluar pas hekurave. Është realitet që s’mund të përjashtohet; është një pjesë e jetës dhe është shumë e vështirë që sërish t’a shqiptosh me plot gojën fjalën “Liri”.
- Por, gjithmonë është shpresa ajo që vdes e fundit, është ajo shpresë që diku qëndron fshehur e gjallë, ndoshta e fikur në fund të humnerës.
- Të tjerë që e kanë lirinë, nuk ia dinë vlerën asaj. Nuk ka më të bukur se fjala “Liri” ku bota përmban gjëra të vështira, të ngjit, të zbret, të ngre e të rrëzon, por gjithmonë njeriu gjen forca brenda vetes dhe kurrë nuk dorëzohet edhe pse fati mund ta ndëshkojë atë.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
Big G - http://sq.yourliterary.com/vepra.php?id=8001&lloji=Analize+letrare
