Në këtë ditë kaq të rëndësishme,e ndieja shumë të nevojshme për t’ju tërhequr vëmendjen!
Është kaq e vështirë për mua të marr frymë lirshëm,kur ju çdo ditë e më shumë dyfishoni sasinë e gazeve ndotëse rreth meje.Kaq të pamundur e keni të përshkoni rrugët e mia në këmbë e të soditni natyrën time të mrekullueshme nga afër e jo nga xhami i makinës.
Është e zorshme t’ju dhuroj dete të pastra kur duart tuaja i ndotin ato me gjithfarë mbeturinash. Çdo lëndë toksike,kimikate apo pesticide që hidhni,po trazon ekosistemet e mia ujore dhe çdo gjallesë e ja të pamundur mbijetesën. Mos harroni se ujërat e mia të kristalta po e humbasin pastërtinë e tyre,për shkak se ju,të gjithë së bashku nuk tregoheni të kujdesshëm në përditshmërinë tuaj.
Tokat po më ankohen se ju i lini pas dore dhe kështu erozioni përfiton nga rasti dhe vendos t’i dëmtojë ato. Shpyllëzimi nuk ngelet mbrapa në këtë rrënim në këtë rrënim ndaj meje. Ju keni prerë aq shumë pemë,keni shkatërruar habitate të panumërta.
U keni vënë zjarrin pyjeve të mia dhe flaka juaj i ka përvëluar ato,derisa sot gjeni hirin e këtyre pemëve dhe hirin e të ardhmes tuaj.
Si mund t’i shpallni luftë natyrës sime?! Ajo duhet të jetojë nga ju,për ju!
Fatmirësisht,do t’ju jap akoma kohë që të ktheni sytë nga unë. Dua që të jetoni shumë mirë,të shijoni çdo peisazh piktoresk timin,por gjithë këto ndotje që po më falni,po e mbysin vullnetin tim që ju të keni një të ardhme të shëndetshme.
Uroj që këto fjalë të miat të kenë trokitur në dyert e ndërgjegjësimit tuaj ndaj planetit që ju fal jetë!
Me shumë dashuri
Toka
(22 prill 2024)
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
