“Nënë, o nënë ku je?”-thërret fëmija natën
Dhe me lot në sy gjum’ i ëmbël s’e zë,
Bie në heshtje kur zërin e saj dëgjon
E nën’ e dashur dorën në kokë i vë.
Të sfilitur mëngjesi nënën e gjen
Me birin e saj të dashur ajo po fle
Edhe një natë tjetër pa gjumë
Që birin e saj ta vëjë të flejë.
Dhjetë vjet më vonë ajo rehat s’ka gjet
Se halle të tjera biri po i ndjell
Biri me ngut prap e thërret
“O nënë ushqimin a po ma sjell?”
Në shkollë është zënë me shokët
Drejtori nënën thërret
Nën e gjorë po pëllcet
Po fëmis së vogël s’i bërtet.
Lum si nëna djalin po përcjell
Se sot në shtëpi të re do jetë
E nëna çdo ditë në telefon e merr
Se ai i vogël për të do mbetë.
Sot djalë i vogël me fëmi është bërë
E gruan e tij në shtëpi e ka
Po zilja vaazhdon me rënë
Se nëna gjithmonë bëhet merak.
Për pun’ e shpi ajo ndihmon
Se bir i saj ka punë plot.
Ikën e vjen askush s’kupton
Se nën’ e gjorë po bie n’tok’.
Vite më vonë në varr t’saj
Qajnë me lot djal’ e vajz’.
“Nënë, o nënë ku je?”
“S’të thashë dot se të desha fort! ”
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
