Një vend ku kanë lindur perandorë, dhe personazhe të tjerë të botës antike. Legjenda, rrënoja antike , histori të vjetra, të përziera me ritme të jetës së sotme, plazhe të gjera dhe klimë të butë, një nga portet më të mëdha në Adriatik, torra veneciane, kepi i rodonit dhe kalaja e skenderbeut,vend i poetëve të shquar , mozaike e banorë mikpritës. Ky është Durrësi, një nga pikat turistike më të rëndësishme të Shqipërisë.
AMFITEATRI
A mfiteatri i Durrësit, më i madhi dhe më i rëndësishmi, jo vetëm në Shqipëri, por edhe në Ballkan.
Është rrënoja antike më e rëndësishme e Durrësit. Ndodhet në qendër të lagjes më të vjetër të Durrësit, i rrethuar nga shtëpitë e banorëve. Është zbuluar nga durrsaku i famshëm Vangjel Toçi më 1966-n. Amfiteatri i Durrësit është jo vetëm më i madhi në territorin e Shqipërisë së sotme, por në krejt këtë anë të Ballkanit. Është ndërtuar në kohën e perandorit romak Adrian (117 – 138 pas Krishtit).
TORRA VENECIANE
Ajo do t’ju bjerë menjëherë në sy sapo të mbërrini në sheshin e vogël, në krah të monumentit të “Mujo Ulqinakut”, thuajse përballë hyrjes kryesore të portit.. Koha e ndërtimit dhe teknika e përdorur është tipike veneciane e shekullit XV, kohë në të cilën venedikasit qeverisnin qytetin. Ajo përbëhet nga një kat i vetëm, i cili është i pajisur me pesë frengji topash. Një shkallare ju çon lart në tarracën me bedena. ku mund të sodisni fare qetësisht detin dhe të gjithë atmosferën e vjetër që ju rrethon.
KEPI I RODONIT DHE KALAJA E SKËNDERBEUT
Kepi i Rodonit është një rrip toke në formë gadishulli që futet në brendësi të detit Adriatik. Kepi i Rodonit është kepi më i madh në vendin tonë. Kalaja e Rodonit u ndërtua nga Skënderbeu rreth viteve 1451-1452.Pas vdekjes së Skënderbeut kalaja u mor nën kontroll nga Venediku. Qëllimi i ndërtimit të kësaj kalaje nga Skënderbeu ishte sigurimi i një daljeje komunikimi në bregdet.
SHESHI "LIRIA"
Sheshi kryesor i qytetit, u rivitalizua në 2015-n, me pllaka të bardha prej mermeri vezullues, palma arabe e shatërvanë modernë, që të sjellin në mend qytete ekzotike ndërkombëtare .
Bukuroshja e Durrësit është një mozaik polikromatik i shekullit IV. dhe është mozaiku më i lashtë dhe më i rëndësishëm i zbuluar ndonjëherë në Shqipëri. Mozaiku ka një sipërfaqe prej 9 metrash katrorë dhe ka një formë eliptike e që paraqet kokën e një gruaje në një sfond të zi, të rrethuar nga lule dhe elemente të tjera lulesh. U zbulua në vitin 1917 në Durrës.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
