Gezuar njerez te kesaj bote! Gezuar… A eshte valle fjala e duhur? Sigurisht, eshte ajo cka i urojme njeri-tjetrit cdo vit ne te njejten dite, shpesh te rrembyer nga vorbulla e fuqishme e normave qe na mbyt ne cdo rast, atehere kur vendosim te luftojme ose te pranojme ate cka ajo na paracakton. Urojme pa ditur se c’themi, shpesh duke i shoqeruar fjalet magjike me ndjenja te thella bezdie qe nuk duhet te dalin ne pah kurrsesi nga frika e paragjykimit qe vjen si pasoje e moskuptimit. Pikerisht kjo periudhe specifike e vitit percakton nje detyre me shume, ate te urimeve. Nje mesazh i shkurter ‘’copy paste’’ per te gjithe mjafton dhe ‘’detyra’’ perfundon me sukses. I rikthehemi serish absurdit qe ne kete periudhe forcohet me shume se kurre, shpenzime te pafundme qe duket sikur duan te shuajne perfundimisht babezine njerezore per te mira materiale, a thua se gjate gjithe vitit jemi te privuar nga ky argetim qe duket si drita ne fund te tunelit qe na jep shpresen dhe kurajen e nevojshme per t’i mbijetuar erresires se gjithe vitit... Duket sikur ky cikel absurd nuk do te marre fund kurre, jetojme ne nje qark qe na sjell ne fund te cdo viti ne te njejten pike dhe ne serish, festojme dhe shpresojme qe viti i ardhshem te jete ndryshe, me i mire… Mjegulla qe na ka pushtuar pamjen nuk na le te kuptojme c’po ndodh me ne, jetojme kuturu, e kalojme jeten duke u marre me gjera te vogla dhe te parendesishme per te harruar te verteten e madhe,kjo sjellje ne kufijte e deshperimit e tregon me se miri gjendjen tone shpirterore te trazuar. Thone qe njeriu eshte qenia shtazore superiore per shkak te ndergjegjes, por eshte pikerisht mungesa e kesaj te fundit ajo qe po na ben gjithmone e me pak njerezore. Nderkohe qe ceshtja e dites shtrohet si te hame sa me shume dhe te mundemi ta tresim, ose nese kete vit horoskopi parashikon fat, lumturi dhe realizim, diku jo shume larg nesh femijet (te mbijetuarit e ‘’luleve bombarduese’’) shuajne urine me balte. Dhe ne, te dehur nga gjendja e lartpermendur nuk arrijme te kuptojme cmendurine e kesaj bote. Ky eshte valle njerezimi ? Keto jane vlerat per te cilat teorikisht predikohet kaq bukur nga ligji,feja,mediat? Nuk eshte bomba apo uria ajo qe i vret ata femije ne te vertete, nuk eshte ‘’qarku’’ ai qe po na vret ne. Eshte heshtja. Askush nuk thote asgje. Kemi vendosur te nenshtrohemi, sepse nuk jemi te forte mjaftueshem. Kjo mungese shprese nuk na jep kurajen qe t’i japim fund kesaj marrezie. Po kujt po i nenshtrohet ky njerezim? Vetes se tij? Apo nje pjese shume te vogel qe tallet me ne duke predikuar paqe? Njerezimi eshte i fuqishem mjaftueshem sa ta percaktoje vete fatin e tij, te perqendruar tashme ne duart e kesaj pakice. Dhe kjo nuk fillon duke sulmuar majen,e cila eshte per momentin e paprekshme, po fillimisht duke u ndergjegjesuar per realitetin ne te cilin jetojme, duke u perqendruar me pak tek vetvetja dhe duke menduar me shume per te tjeret ne nevoje, duke e ndare me ta bollekun e panevojshem. Kjo do na bashkoje, nuk do te jemi me vetem, gje qe na ben me te forte perballe synimit te madh. Le te kujdesemi per njeri-tjetrin ne menyre qe dhe boshlleku qe na le ne shpirt nje bark i tejfryre t’ia lere vendin lumturise dhe harmonise se vertete. Viti i Ri do te jete me siguri me i bukur dhe te gjithe bashke do te jemi pa dyshim me te gezuar!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
