Titulli:
“Njeriu si krijues i vlerave.A jemi përgjegjës për kuptimin e jetës sonë?”- Argumentoni qëndrimin tuaj mbi përgjegjësinë personale në krijimin e një jete me kuptim.
Lloji:
Ese argumentuese Tema:
. Autori:
Erisa Janku
Shkolla: Gjimnazi “Petro Nini Luarasi” Klasa: XIII Qyteti: Tiranë E-mail:Email eshte i fshehur!
Nëse ti,kohë më parë,do të më thoje se kuptimësia e jetës sime,frymon në duart e mia,kurrë nuk do të të besoja!
-Ç’po flet kështu?!”-do të ishte arma e parë me të cilën do të të godisja.
Ndërsa muajt shtegtojnë,përgjegjshmëria më rëndon edhe më shumë mbi supe.Tanimë,është e pashmangshme të mos kujtoj fjalët që dikur më janë thënë.
Që jetës t’i jap kuptim të tejskajshëm e të arrij të çmoj çdo grimcë të saj,po,të besoj,duhet vendosshmëri e madhe.Suaza e jetës sime jam UNË!
Përgjegjësia.Pikëris ht,ky emër është themeli më i qëndrueshëm në jetë.Kjo fjalë është porsi një gur i latuar,që në sado ujëra të rrëmbehet,rezistenca nuk i prehet.
Shumëkuptimësia e jetës buçet në emrin tim.Unë jam “ngacmuesja” kryesore e çdo vale që krijohet në kapitujt e mi jetësore.Ti,je një faktor i rëndësishëm në jetën time,por mos mendo se e zotëron atë.Frerët e saj i kam veç unë.Zgjedhjet e mia personale shtrojnë çdo ditë rrugët e jetës sime.Përgjatë shtigjeve ke parë ndonjëherë tabela emrash të njerëzve të tjerë?! Jo,sigurisht,sepse vetëm unë i skicoj linjat e jetës sime.Ngjyrat e saj janë vendimet dhe pëlqimet e mia.
Gjithë tabloja e jetës sime,tënde,jetëve tona,ka vetëm gjurmët e gjithsecilit në “artin” e tij.Ne jemi…njësoj! Si ti,si unë e ndërtojmë e ndërtojmë vetë kuptimin e jetës sonë,pa marrë borxh asnjë tullë tek dikush tjetër.
Nëse ne,do të paraqisnim kuptimin e jetëve tona, do të vërenim se ato kanë forma të caktuara,të ndryshme nga kushdo.Kjo është dëshmi e fortë,pushtuese që tregon qartazi se kuptimësia e jetëve tona nuk është aspak rastësore.
Të mos harrojmë që fishekzjarrët e frazës “Kuptim jetësor” ndizen vetëm prej nesh!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
