Natë, 24 dhjetor 2016,
Një natë e errët dhe e ftohtë dimri. Ashtu ishte edhe nata në të cilën lindi biri i zotit. Tani një numër i madh njerëzish po mbushin hapësirat e kishave kudo mbarë, për të rikujtuar dhe festuar lindjen e tij. Nuk kishin si të mungonin besimtarët edhe në kishën e Shën Nikollës të cilët e kanë tejmbushur atë. Nuk i ndalon dot i ftohti, nata e errët apo edhe dembelizmi. Të ardhur nga të gjithë fshatrat përreth, te rinj/reja, fëmije dhe të moshur, njerëz të ndryshëjm por me një qëllim te caktuar, të veshur me lutje dhe me shpirtra që ndrisin. Në këtë natë nuk ka vend për mendime negative, zili, inate, përçarje apo mallkime. Në këtë natë mbizotëron veçse paqja, harmonia, mirënjohja e njerëzve me njëri-tjetrin, dashamirësia, dashuria, mendimet pozitive, vlerësimet, urimet, lutjet dhe bekimet. Ështe nata e vetme në të cilën të gjitha të mirat bëhen bashk, e sikur kjo ditë të ishte çdo javë, bota do ishte një vend më i mirë për të jetuar. Janë pikërisht këto fjalë të cilat po predikohen në meshën e natës së Krishtlindjeve dhe nguliten në mendjen e besimtarëve, me shpresën se nuk do të harrohen në mëngjes, apo ditën tjetër. Duke u kujtuar gjithashtu se fryma e vërtëte e Krishtlindjeve qëndron në shpirtin human të çdo personi. Sa human janë ato në lidhje me problemet e shoqërise, dhe sa janë të gatshëm për të ndihmuar në zgjidhjen e tyre. Sado pak, duke i ndihmuar me ndihma materiale apo edhe mbështetje morale. Sa bëjmë ne për njeri-tjetrin, duke vazhduar fillimisht tek njerëzit tanë të dashur dhe mbaruar tek 'armiqtë' tanë, të cilët duhet t'i mbajmë më afër, ashtu siç ka thënë zoti. E nëqoftëse nuk mund të veprojmë për ta, të bëjmë minimumin e asaj që kemi ne dorë: të shpërndajmë dashuri, respekt dhe mirënjohje me sa të kemi fuqi, janë falas dhe për më tepër ju dhurojnë kënaqësi. Bekime🙌🏻
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
