Jo gjithmonë bëhemi ata që mendojmë .. Jo gjithmonë janë sfidat ato që na shtyjnë të bëhemi dikush . Qëllimi im është që një ditë të bëhem mjeke. Qëllimi im nuk është që të marrë emrin mjeke apo një post tjetër por ta meritoj këtë emër duke iu ndihmuar njerëzve dhe duke dhënë maksimumin tim pa marrë parasysh të ardhmen me rreziqet që më presin . Nga jashtë duket një profesion i lehtë ama beso nuk është . Do të thotë të kesh jetën e dikujt në duart e tua . Ta ndiesh dhimbjen e tij në trupin tënd ; e jo ta shikosh me dhembshuri koti . Si e vogël më kujtohet kur shikoja dhe ëndërroja të bëhem e tillë .Atëherë kisha këtë ëndërr , të bëhesha mjeke dhe më dukej fare e thjeshtë : mësim , lumturi , durim . I thoja vetes : Mund ta arrij ..! Por tani që po shkoj në këta hapa , që zgjodha mu këtë rrugë kuptova se nuk është e lehtë sa mendoja.E zgjodha këtë profesion me shpresën se një ditë do arrij të jem vetvetja , të arrij atë që dua synimin tim . E dini se do na presin sfida të vështira e nganjëherë nga këto sfida inspirohemi . Sfida e madhe që më shtyri ta zgjedh këtë profesion ishte sëmundja e një të afërmi tim . Ai luftonte me një sëmundje mjaft të rëndë , më e keqja ishte në luftë me veten e tij me personalitetin e tij dhe kur unë e shihja në atë gjendje çdo ditë i thoja vetes se unë do bëhem shkak që kjo sëmundje idiote nuk do ta mbyt askënd tjetër , nuk do shuajë ëndrrat dhe të ardhmen e të tjerëve . Por atëherë isha e bindur paksa . Do luftoj me gjithë fuqinë time edhe nëse nuk do të jem në gjendje që ta bëj këtë mjaftueshëm , mjafton kënaqësia dhe sinqeriteti im . Do bëhem shkak që dikush të më falenderohet një ditë mua që i kam shpëtuar jetën . Do të studioj fort , të marrë diplomën të kem një të ardhme të ndritur dhe në fund do jem edhe unë inspirim për dikë . Kot nuk thuhet ''Shpëto një jetë ti je hero , shpëto disa jetë ti je doktor'' .
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
