Libri që kam zgjedhur për të zhvilluar analizën letrare është “Libri sekret” i autorit francez Gregory Sámak.
Pjesa I
Autori: Gregory Sámak
Titulli: “Le livre secret”
Tregimi: Roman
Konteksti letrar: Letërsi moderne europiane
Pjesa II
Tema: Ky libër shtjellon qartë urrejtjen dhe përbuzjen që përmbanin gjermanët kundër popullsisë hebre. Libri tregon historinë e jetës së Adolf Hitlerit që kur ishte fëmijë e deri në arritjen e kulmit të karrierës së tij, kur ai u shpall “Fyhrer i tretë” i Gjermanisë dhe që gëzoi një pushtet absolut. Ardhja e tij në pushtet çoi në pasoja fatale për hebrenjtë ku u vranë 10 milionë njerëz të pafajshëm. Më pas, në libër, shfaqet elementi “fantazi” ku personazhi kryesor “Elias Eini”, interferon në rrjedhën e histories duke ndryshuar fatin e miliona hebrenjve duke vrarë Hitlerin më 1920. Një rrëfim befasues, që flet për miqësinë dhe kurajën, urrejtjen dhe ligësinë. I gjithëkohshëm, “Libri sekret” gjen një jehonë të madhe në aktualitetin dhe në prirjet e epokës sonë.
Përmbajtja: Gjithçka fillon më 21 dhjetor 1943 në një ndër kampet naziste të asgjesimit të hebrenjve. Një djalë i vogël luan një lojë shah me oficerin e gardës naziste për të shpëtuar familjen e tij nga vdekja por fatkeqësisht ai humbet dhe i prihet gishti tregues po ashtu edhe familja e tij ndërron jetë … Gjysma e dytë e shekullit XX, Vjenë, Austri, Elias Eini ishte një burrë vetmitar. Ishte një ndër të paktët hebrenj që i kishin shpëtuar asgjesimit nga gjermanët. Familja e tij ishte shuar e tëra nga lufta, vetëm motra i kishte ngelur. Ai kishte punuar disa vjet dhe e kishte përmbushur misionin e tij. Tani, i dalë në pension, kujton vitet e arta kur ishte përkrah bashkëshortes së tij, Anës, e cila ndërroi jetë nga një aksident rrugor. Elias vendos që ato pak ditë që i kanë ngelur, t’i kaloj në një shtëpizë të humbur në Braunau – mbi – In, një fshat i vogël në Austrinë e Epërme. Me vendosjen e Eliasit në shtëpinë e tij të re, ai zbulon një dhomë të fshehtë, e cila ishte me rafte librash, një holl i cili dukej, se nuk do të mbaronte kurrë. Eliasi vendos që të studiojë këta në mbrëmje pasi të ishte larguar guvernantja dhe shërbëtori i saj, Tomasi. Tomasi ishte një djalë jetim i cili jetonte në një apartament të braktisur. Ai takohej, çdo të enjte pas shkolle me vajzën e vetme të Reifenstahlëve, Marikën, vajzën që ai aq shumë e dashuronte. Marika ishte bija e kryetarit të bashkisë së Braunaut, Teodorit. Teodor Riefenstahl ishte një njeri shumë i ashpër dhe egoist saqë nuk pranonte që Marika të shoqërohej me Tomin. Përtej kësaj, ndërrojmë historinë. Me kalimin e netëve, Eliasi deshifronte kodet që ndodheshin nëpër libra dhe zbuloi se këta libra tregonin për jetën e secilit individ në tërë botën. Eliasi ishte i mrekulluar nga ky fenomen dhe mendoi pse ai duhet të ishte njeriu i cili duhet të kryente këtë zbulim. A ishte i caktuar nga Zoti? Pyetjet e mundonin. Papritmas Eliasi bie në gjumë. Me t’u ngritur gjendet në një turmë të mbushur me gjermanë dhe ushtarë të forcave SAT. Ai ishte nisur për të vrarë Hitlerin por u step për shkak të rrethanave që e detyruan atë. Me një udhëtim tjetër kohor, Eliasi gjendet në një konferencë ku pas saj në një shesh të mbushur me njerëz që gumëzhinin, Eliasi godett dy herë Hitlerin me pistoletën e tij “Luver” që ia kishte falur babai. Kështu, Adolf Hitleri largohet nga kjo botë në vitin 1920. Eliasi ndihej i gëzuar për faktin se ai shpëtoi jetën e miliona hebrenjve të pafajshëm. Kur kthehet, Eliasin e marrin disa ushtarë dhe e shoqërojnë drejt një burgu ku fati i tij nuk dihet, kurse Tomasi dhe Marika, të dy së bashku, largohen nga Braunau dhe zhduken përgjithmonë. Edhe pse historia ka një fund të lumtur për Tomasin, por një të trishtë për Eliasin, Eliasi e kreu misionin që i kishte caktuar Zoti me sukses dhe e kuptoi që çfarëdo që të ndodhte në vazhdim e më tej nuk kishte më rëndësi.
Lloji i tregimit: Roman social
Motivet: Motivet në këtë libër janë miqësia, kuraja, urrejtja dhe ligësia.
Kompozicioni: Në këtë libër ngjarjet janë të ndara në 3 kapituj dhe 2 epilogje. Ngjarjet zhvillohen në mënyrë të trazuar, autori fillon me tregimin e një ngjarjeje dhe pa e përfunduar plotësisht atë, kalon në zhvillimin e një ngjarjeje tjetër, pra, autori hidhet nga një kohë në tjetrën.
Pjesa III
Subjekti:
- Loja e shahut;
- Eliasi, shpërngulja e tij;
- Tomasi dhe aventurat e tij;
- Udhëtimet në kohë të Eliasit dhe Tomasit;
- Vrasja e Hitlerit;
- Arrestimi i Eliasit;
- Arratisja e Tomasit dhe Marikës.
Personazhi kryesor: Elias Eini
Personazhi dytësor: Tomas
Personazhi antagonist: Hitleri, nazistët
Figurantë: Gustav Sofi, guvernantja Poulster, Albert dhe Marta Kruger, Teodor dhe Gertrudë Reifenstahl, Gomel Apfelman, Boser, Marika.
Hapësira: Autori vendoset sa në Austri aq edhe në Berlin, sepse ngjarjet që trajtohen në libër kanë lidhje midis këtyre qyteteve.
Koha: Autori udhëton nga një kohë në tjetrën, nga fillimi i shekullit XX dhe deri në fundin e tij.
Rrëfyesi: Autori, në të shumtën e kohës, rrëfen në vetën e parë dhe herë – herë u jepet fjala personazheve.
Stili: Autori, shpreh atë ç’ka ai do të thotë, nëpërmjet fjalive me përbërje nga më të ndryshmet, duke krijuar një atmosferë tërheqëse për lexuesin.
Mesazhet:
- Fati i secilit prej nesh është i parapërcaktuar.
- Dashuria triumfon mbi gjithçka.
- T’i themi “JO” dallimit racial, jemi të ndryshëm por të barabartë.
Author: Big G
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
