Sot do të flas për një fenomen të cilit ia kemi hapur dyert dhe e kemi lejuar të jetojë me ne .Mbase të ndikuar nga historia ,koha ,rrethanat ,psikologjia njerëzore .Shumë qeshin me këtë fenomen ,zbaviten me të. Ama mos kujtoni se është një lojë argëtuese.Është një fenomen që të kënaq duke përbuzur ,ofenduar ,derdhur lot ,thyer zemra ,ëndrra,të të tjerëve.Të atyre që janë teorikisht dhe shkencërisht si ne ,por sipas nesh ndryshe nga ne .
E kam fjalën për diskriminimin ndaj ngjyrës së lëkurës .Kjo frymë raciste diskriminuese mund të ndodhet kudo .Ti nuk mund të jesh shkak por pasojë .
Disa prej nesh që në fëmijëri janë rritur me një frymë diskriminuese ndaj ngjyrës së lëkurës.
Kur po them këto fjalë kam përpara syve imazhin e një zonje nga fëmijëria e cila një pasdite i thotë fëmijës së saj :
"Bir ç'po bën aty ?"
Po luaj -i përgjigjet fëmija
Ajo i'a kthen : "Jo nuk do të luash me një "mulat " ,eja menjëherë në shtëpi"
Por djali nuk donte .Në ato momente nëna iu afrua djalit nga komuniteti rom dhe i ngriti zërin .Ai duke qarë u largua .
Këto mendime raciste na shoqërojnë në të ardhmen tonë .Ato ndikojnë në formimin e gjithsecilit .
Përshtypje më bëri reagimi i fëmijës ,atij nuk i bënin përshtypje fjalët e nënës .Sepse tek ai fëmijë rom nuk shihte asgjë ndryshe .Shihte një shok të vërtetë me të cilin mund të luante dhe të argëtohej .A duhet ta marrim ne si një mesazh nga ky fëmijë.Po .
Unë mendoj se duhet të fillojmë të shohim në një këndvështrim pozitiv .Pa këto ndryshime mes individëve bota do të ishte pa ngjyra dhe do të humbiste llojshmëri në e saj .A do t'ju pëlqente një botë e tëra e bardhë ? Do të ishte e mërzitshme,e zakonshme .Nëse do të jetonim në një realitet të bardhë ne do të kërkonim një pikë të zezë për ta thyer monotoninë .Sepse e tillë është e ndërtuar qenia njerëzore.
Ngjyrat e ylberit jetojnë në harmoni në qiell ,sepse qielli i ka pranuar ato me ndryshimet e tyre .Le të krijojmë edhe ne një vend ku ngjyra e zezë dhe e bardhë të jetojnë në harmoni me njëra-tjetrën.Sepse ata janë si ne .Në venat e tyre rrjedh gjak i kuq .Ata kanë ëndrra dhe dëshira sikurse ne .
Më besoni ti pranosh ndryshimet midis individëve është një vlerë e vyer .Të cilën të gjithë duhet të fillojmë ta kultivojmë .
Ndryshimi fillon nga ti!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
