Pas një kohe kur unë më s’do jem,
do jetë ajo ditë kur gjithçka e mbetur nga unë do jenë vetëm kockat, e mishi do të jetë tretur e do jetë bërë një me dheun, ashtu si hi i njëtrajtshëm. Mbi kockat e mia do kalojnë qindra njerëz, e kush do kujtohet se dikur, diku jetoi një unë?
E kush do të kujtohet se dikur, diku jetoi një vajzë me flokë e sy gështenjë?
Kujt do i bie ndërmend se diku një vajzë mbushur plot me fantazi e ëndrra përpiqej të mbijetonte,
E vrarë padrejtsisht, e ndonjeherë edhe që kishte vrarë të tjerët,
Kush do kujtohet se dikur, diku jetoi një vajzë që nuk hoqi kurrë dorë dhe pas zhgënjimeve më të mëdha, nga ato që i thyen zemren në dysh?
Kush do kujtohet se dikur, diku jetoi një vajzë, jeta e së cilës qe një film horror i vërtetë qysh në fëmijëri?
Kush do kujtohet se dikur, diku jetoi një vajzë e cila gjënë që bënte më mirë ishte të buzëqeshte?
Kush do kujtohet se dikur, diku jetoi një vajzë që dashuronte aq shumë asgjë e çdo gjënë njëkohsisht?
Një miqësi a një dashuri që ditën ta bënin copa.
Kush do kujtohet se dikur, diku jetoi një vajzë që kish rënë në dashuri me hënën, yjet, zogjtë dhe lulet?
Kush do kujtohet që dikur, diku jetoi një vajzë që gjente shpëtim vetëm në gërmat?
Kush do kujtohet se dikur, diku jetoi një vajzë që nuk u rrit kurrë?
Kush?! Vitet do kenë ikur larg përtej horizontit...
Ndoshta familjarët e mi do vinin vetëm për të më hequr ndonjë fije bari nga toka, të derdhnin ndonjë lot viteve të para të mungeses time, e më pas do mësohen me të, ashtu si dhe unë u mësova me mungesën.
E, do kalojë edhe më shume kohe e atëherë askush s'do vijë për të hequr ndonjë tufë bar.
Do jem mbuluar nga bari...dhe askush nuk do kujtohet që unë dikur jetova.
Jeta do vazhdojë, hëna do jetë e zbehtë si tani, yjet ndonjeherë do ndriqojnë për hatrin e kujtimeve që derdha mbi supe njerzve që mbeten pas, zogjtë nuk do ndalen së kenduari, dhe lulet do qelin e qelin, por asnjeherë më askush, nuk do kujtohet që dikur, diku jetoi një unë...
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
