I dashur gjyshi im,
Ti i përket dy botëve, asaj të shkuarës së komunizmit, por edhe të tashmes në demokraci. Duhet të ketë qenë e vëeshtirë: kam lexuar shumë që ju hanit një herë në muaj mish, kishit një herë në javë një shishe qumësht.. kam lexuar dhe kam parë fotografi që rrinit në radha të gjata për vajguri. Për cfarë duhej vajguri? A mbante erë të keqe?
Ti asokohe ke qenë ushtarak, mami im më tregonte se ajo nuk të takonte me muaj me radhë. Po cfarë bëje maleve, kur ti ishe inxhinier elektronik? Cfare vishnit? Më ke thënë gjithmonë që për një pako gjalpë mund të merrje një kilogram mish...
Më duket shumë cudi që Shqipëria jonë, ky vend i bekuar me tokë, det, mal, ujëra, miniera të ishte aq e varfër, aq e prambambetur... pa dritë elektrike e pa ndricim...Ndoshta, kjo ka qenë arsyeja që sistemi komunist u rrëzua: ekonomia e rrënuar, njerëzit e mërzitur dhe të revoltuar, pasiguria e madhe dhe ndryshimet e nxitura nga Blloku i Lindjes (fillesat me rënien e Murit të Berlinit) mund të kenë nxitur Lëvizjen Demokratike për ndryshim të regjimit politik.
Nga ty, gjyshi im, kam dëgjuar për veprat e shumta që janë ndërtuar me kontribut “vullnetar”, kështu e shpjegon ti punën e detyruar që bënin të dënuarit politikë. Dhe kanë qenë me qindra e mijëra: intelektualë, fetarë, studiues, arsimtarë, tregtarë, etj që humbën fëmijë dhe familje për shkak të burgimit dhe internimit.
Pas rënies së regjimit, a mundën të kthehen në shtëpitë e tyre? A i gjetën rrobat e tyre? A i njohën fëmijët e tyre? Nuk besoj se këto cështje jane zgjidhur per Shqiperine. Jo! Ndryshe, nuk do na drejtoheshin si vend ne “tranzicion”. Asnjëherë nuk e kam kuptuar cfarë do të thotë praktikisht “tranzicioni” për zhvillimin e Shqipërisë.
Ti më ke treguar se shprehja e Lëvizjes së madhe demokratike ishte “E duam Shqipërinë si gjithë Evropa”. Po sot, a thua jemi bërë evropianë me mendje, sjellje, parime, standarde demokratike?
Nuk besoj, po të ishe ti, gjyshi im (që ke qenë njeriu më pozitiv për familjen tonë) i kënaqur nga demokracia shqiptare, nuk do ishe larguar të jetoje jashtë shtetit.
Gjyshi,
Unë kam kërkuar për të gjetur foto të së kaluarës tënde. E kam shumë të vështirë të kuptoj si ka qenë atëherë. Më ndihmo ti, kur të takohemi do flasim edhe për keto foto.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
