A të tërheq zvarrë fati i Gregorit,pa e kuptuar as ti vetë se ç’po ndodh?! Apo lexon në heshtje,pa e vënë emrin tënd në rreshtat e Gregorit?
E çuditshme të përmendet,por e vërtetë të thuhet që Gregori në këtë turbulencë fati,vetë nuk arrin kurrë në dramacitet për shndërrimin e tij,por dashur pa dashur ia lë në dorë lexuesit vuajtjet e tij.
Unë jam bashkëvuajtëse me të që në shkronjat e para,të derdhura për jetën e Gregorit. Indifeenca e tij në fillimet e transformimit ndizte motorrët e ndërgjegjjes sime,duke bërë që të pyesja veten si do të veproja po të goditesha dhe unë nga ky fat.
Stili i Kafkës tejçon te lexuesi empatinë e fuqishme për Gregorin.Gjuha e drejtpërdrejtë e autorit rrit ndjesinë e ankthit se çfarë e pret Gregorin teksa minutat xhirojnë.
Kjo gjendje tensioni që krijohet te lexuesi,e zhyt atë më thellë në trazirat e shpirtit të Gregorit.
Pasiguritë dhe pikëpyetjet e tij i japin një shtysë të fuqishme keqardhjes te lexuesi,duke e bërë atë të përforcojë gjendjen e izolimit akoma dhe më shumë.
Me stilin e tij të veçantë,Kafka tëheq këdo në mënyrë të pashpjegueshme,duke bërë që çdokush të ndiejë dhembshuri për Gregorin,duke e kapluar aq shumë lexuesin,saqë ai arrin të pyesë:
“A mos u pushtova më shumë seç duhet në zemrën tënde Gregor?”
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
