Gjithçka në jetë është zgjedhje. Madje edhe situatat më të pashpresa, edhe ato, në thelb, janë zgjedhje. Edhe heshtja përballë një situate të rëndë është zgjedhje. Gishti me të cilin mbajmë lapsin, po i njëjti gisht që përdorim kur shtypim tastierën e makinës së shkrimit apo të kompjuterit, mund të përdoret për shumëçka tjetër. Me po të njëjtën shkathtësi të mendjes, shumë lehtë, të bën vrasës profesionist, por ndërkaq, me shumë delikatesë, mund ta përdorësh në paralojën e dashurisë dhe të dallohesh si një dashnor i shkathët. Gjithçka varet nga zgjedhja se çfarë do të bësh me atë gisht. Kam mundur të bëhem shumëçka në jetë, por kam zgjedhur që të jem e madhe në sytë e mi. Me kohë kam kuptuar se vlerësimi nga të tjerët nuk të vjen kurrë para se të fillojmë ta vlerësojmë veten. Të vlerësojmë jetën, dashurinë, por edhe botën ku këto të dyja mund të frymojnë lirshëm. Ky libër është një rrëfim për magjinë e zgjedhjes. Fuqia për të ndryshuar veten dhe botën qëndron në guximin individual për të zgjedhur. E mira është që askush mos të ndryshojë asnjë , për cfarëdo lloj arsye si në dashuri dhe në jetën e përditëshme . E vërteta është që në vrapojmë shumë. Vrapojmë pas kohës,vrapojmë që të mbërrijmë në orar në punë, shkollë, në ndonjë festë,takim etj. Vrapojmë pas egos tonë, vrapojmë dhe shpejtojmë që të kemi atë që duam. Vrapojmë pas njerëzve që të ecim njëkohësisht me hapat e tyre. Vrapojmë pas gjithckaje,por duke harruar atë më të rëndësishmen, veten tonë. Ne nuk e dëgjojmë veten dhe zemrën tone , thjeshtë vazhdojmë duke vrapuar pas të gjithavë duke harruar që vetja jonë kërkon pak qetësi, ka nevojë për pushim, vrapojmë dhe një ditë kur të rrëzohemi nuk do të mund të ngrihemi më nga lodhja e tepërt. Do duam të flemë dhe mbase në ëndërr do kemi kohë të mendojmë për vete .Në thelb, është vetëm një zgjedhje. T'i japim krahë njerëzores brenda nesh apo të ikim prej saj..!!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
