Kur flitet për emigrimin te gjithë shqiptarët e ndjejnë veten të përfshirë. Të gjithë jemi dëshmitarë të braktisjes që po i bëhet në masë vendit tonë. Ndërsa shifrat jane vërtetë të frikshme, askush nuk bën asgjë për ta parandaluar këtë fenomen si problem që vjen si rrjedhojë e gjendjes së rëndë ekonomike dhe kushteve skandaloze të jetesës.
Kjo dukuri sjell një sërë pengesash dhe dëmesh për shoqërinë shqiptare dhe vendin që dita ditës po shpopullohet. Si fillim personat e larguar ulin ndjeshëm popullsinë dhe si rrjedhojë konsumi ulet duke sjellë më pak përfitime për bizneset sidomos ato të vogla të cilat së fundmi po përballen me burokraci shtetërore që është një tjetër shkak emigrimi, por këtë herë për vetë pronarët e bizneseve. Arsye tjetër e emigrimit është pasiguria që shfaqet në vend për të ardhmen. Shtysa kryesore e cila shtyn të rinjtë e Shqipërise të largohen duke e lënë këtë vend pa të ardhme pasi rinia presupozohet te drejtojë vendin në një të ardhme sado e afërt apo e largët qofte ajo.
I vetmi avantazh i emigrimit është kultura dhe ndihma ekonomike që karakterizon vendin ptitës së këtyre emigrantëve, por çfarë do të ndodhë me gjeneratën e dytë dhe të tretë të emigrantëve shqiptarë në këto vende? Ata do të shkëpusin çdo kontakt dhe kështu i vetmi avantazh pas pak kohësh do të zhbëhet.
Pra ajo që vumë re është se disbalanca është e thellë në favour të disavantazheve të emigrimit ndaj duhet të bëjmë ç’të mundemi për ta parandaluar këtë problem.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
