Kryerja e gjërave të duhura, në kohën e duhur dhe mënyrën e duhur, prodhon rezultatet e duhura që ne aspirojmë. Me fjalë të tjera, të dish çfarë të bësh, në çfarë kohe, në cilin drejtim dhe cilët janë parametrat që rezultojnë në lindjen e suksesit.
- Njohja e mirë e kohës, qëllimeve tona, pikat tona të forta dhe të dobëta dhe drejtimi i tyre në rrugën e duhur, sjell realizimin e synimeve tona. Dituria na jep kapacitetin dhe aftësitë të njohim rezultatet e aksioneve tona.
- Çdo gjë është e ndërtuar si pasojë e inteligjencës njerëzore që ka ardhur si rezultat i eksperiencës mijëra vjeçare përgjatë historisë. Gjithashtu, dituria është një faktor kryesor në përmirësimin e jetëve tona përgjatë kohës sepse qenia njerëzore është gjithmonë në kërkim të diturisë dhe sjell si pasojë krijimin dhe përdorimin e teknologjive të reja të përditësuara dhe më efiçente në krahasim me një version të mëparshëm të asaj fushe të caktuar. Sigurisht, tregu i punës është shumë konkurrent dhe vetëm individët që posedojnë një nivel diturie më të lartë në krahasim me të tjerët, e kanë më të lehtë fitimin e vendit të punës, por, me ardhjen e shekullit të XXI njeriu është bërë i aftë të krijojë Inteligjencë Artificiale, e cila operon në një performancë shumë të lartë.
- Përtej kësaj, njeriu është programuar nga natyra të jetë kurioz dhe të kërkoj më tepër në mjedisin që e rrethon, duke studiuar dhe të jetë gjithmonë i uritur për dije. Çdokush që ka dije ka pushtet, sepse është i aftë dhe kompetent në një fushë specifike karakteristike për vet individin.
- Arrij në përfundimin se, dituria na jep fuqi për të mobilizuar gjërat në drejtimin e duhur.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
Big G - http://sq.yourliterary.com/vepra/Ese+argumentuese/Ese%3A+Dija+eshte+pushtet/8006
