Lloji: Ese e krahasim-kontrastit Tema: Krahasimi i agimit me perendimin Autori:
Lorena Luarasi
Shkolla: Shkolla Teknike Ekonomike Tirane Klasa: 10C Qyteti: Tirane E-mail:
lorena_luarasi@yahoo.com
Bukuria është një koncept shumë i gjerë. Individë të ndryshëm kanë mendime të ndryshme për këtë temë. Bukurinë e kemi të paraqitur kudo. Vetëm në një moment mund të gjejmë kaq shumë kontraste të së bukurës. Po gjithë jeta sa e bukur është?! Natyra na jep shembullin e saj më të mirë të bukurisë me anë të agimit dhe perëndimit.
Agimi është një moment shumë i rëndësishëm i fillimit të ditës. Me diellin “lindin” shpresat, dëshirat dhe planet. Agimi nuk është vetëm një bukuri vizuale e momentit, por “drita e saj” vazhdon gjatë gjithë ditës. Kjo të krijon ndjenja të bukura.
Nga ana vizuale agimi është një pamje e mrekullueshme. Ai paraqet një imazh të bukur nëpërmjet ngjyrave të ndezura të dritës. Ngjyrat, drita, shkëlqimi i mahnisin njerëzit.
Nga ana tjetër kemi “fundin e gjithçkaje”; perëndimin. Ndryshe nga agimi, perëndimi është momenti i përfundimit të planeve, dëshirave dhe ideve. Megjithatë ai të ngjall ndjenja të forta; po aq”” të bukura””. Bashkë me errësirën vjen qetësia dhe prehja;relaksi dhe romantizmi.
Perëndimi mund të ketë ngjyra të ndryshme nga agimi, por nuk mbetet prapa nga bukuria. Këto ngjyra i japin atij madhështi, i japin kuptim lodhjes së ditës, prehjes fizike, shpirtërore dhe mendore. Perëndimi paraqet si bukurinë pamore ashtu edhe atë shpirtërore.
Bukuria është prezente në çdo hap të jetës. Nëse ndalesh e vështron me kujdes, kupton që e keqja dhe e shëmtuara kanë diçka të bukur brenda tyre. Fundja ajo që për dikë është e shëmtuar për një tjetër është e bukur. E rëndësishme është që ne të rikthehemi e ta shohim prapë. Po të duam do ta gjejmë gjithmonë “të bukurën”.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
