Unë kam lexuar librin “I fundmi i Mohikanëve”. Autori që e ka shkruar librin është James Fenimore Cooper. Aty flitet luftrat e shumta që ndërthurin dy fise dhe dy ushtri. Një ndër personazhet më të rëndësishme të atij libri është Unkasi, i cili është personazhi im i parapëlqyer, që do të flas në këtë ese. Ai ka flokë të gjatë e të shpupurishur, ka sy të zinj, tipare të rregullta, është biri i një drejtuesi te fisit të mohakëve dhe trashëgimtari i vetëm i pozitës së babait të tij. Ndërsa nga paraqitja e tij e brendshme, ai është luftëtar i zoti, strateg i mirë, intiligjent, sakrifikues, i guximshëm, i dashur, i dhembshur, i drejtë, zemërbardhë dhe zemërgjerë. Cilësitë e tij si luftëtar dhe strateg i zoti dalin në pah më mirë kur ai ndërton planin për të shpëtuar dy motrat nga fisi armik i Uronëve. Kur Magua, drejtuesi famëkeq i Uronëve do të bëjë Alisën, një nga motrat që flitet në libër, skllaven e tij, Unkasi vrapon drejt tyre me qëllimin që të shpëtojë vajzën e pambrojtur dhe ndeshet me Maguan. Pasi arrin të mposhtë një dyzinë me luftëtarë, nga rradhët e ushtisë së Maguas, i plagosur, gjatë atij dyluftimi heroik, Unkasi nuk mbijeton. Ky është momenti më prekës në libër: kur protagonisti sakrifikon veten për të shpëtuar Alisën. Ai më frymëzon mua me heroizmat e tij. Shpresoj që kur të rritem, unë të zotëroj disa nga karakteristikat që ka Unkasi. Tek ai, më pëlqen fakti, që është gati të sakrifikohet për njerëzit e pafajshëm, të pambrojtur dhe të mirë. Nëse të gjithë njerëzit do të ishin si Unkasi, bota do të ishte një vend mahnitës dhe i mrekullueshëm. Të gjithë këto heroizma, sakrifica dhe aventura marramendëse e mahnitëse, më frymëzojnë të jem një vajzë, e cila lufton për të drejtat e saj dhe dëshiron të ndihmojë njerëzit e varfër e të pafajshëm, që mbështillen nga mirësia. Ky është personazhi im i preferuar, që më frymëzon për të ardhmen që dua të ndërtoj.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
