Titulli:
A mendoni se arsimi i një shoqërie në përgjithësi dhe i asaj shqiptare në veçanti,do të ndikojë domosdoshmërisht në zhvillimin e punës,karrierës apo suksesit?
Arsimimi,për mua është motorri i përparimit të një shoqërie.
Është baza e karrierës dhe suksesit,por patjetër që nuk i garantojnë totalisht ato,pasi të mos harrojmë që ka dhe elementë të tjerë që plotësojnë tablonë e suksesit.
Në përditshmëri,edhe njerëzit pa arsim(të lartë) japin kontributet e tyre në punën ku ndodhen,por a ka më shumë rëndësi sasia apo cilësia e ideve,drejt suksesit?
Si gjimnaziste që jam,e kam parë gjithnjë e më shumë të nevojshme te vetja arsimimin,jo vetëm për t’i ngjitur shkallët e një karriere të mirë më shpejt,por edhe për t’i bërë ballë vështirësive që do has,me njohuritë e mia.
Një shoqëri e arsimuar në Shqipëri,duke marrë parasysh se Shqipëria është disa hapa mbrapa,në krahasim me botën,kur vjen fjala tek zhvillimi,arsimi do të ishte shtylla kurrizore e përparimit në vendin tonë.Fjalët dhe mendimet e kësaj shoqërie do të ishin të goditura dhe do të peshonin më shumë.
A është e nevojshme t’u injektohet njerëzve se arsimi garanton suksesin tuaj?! Absolutisht jo!
Të mos lëmë pa përmendur se njeriu,për të dhënë më të mirën e tij,i nevojiten vullneti,dëshira e këmbëngulja,gjë të cilën librat nuk e kanë të shkruar.
Që të jemi realistë,suksesi është i sigurtë kur arsimimi “bashkëpunon” me vullnetin dhe atëherë asgjë nuk e ndal një shoqëri të kaq mirëarmatosur!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
