Shqiperia ime ! Sa herë mendja më kuvendon me Ty, moj Nënë e madhe, vetja më duket gjithmonë e vogel, e vogel e, që e ndjej së ledhatimi yt më duhet patjeter që të më rritë e, të më mbruaj me dashurinë për Ty, nëna Shqiperi.
Marr shkas të shkruaj këto pak radhë për Ty, nëna ime Shqiperi, nga afrimi i një moment të shenuar më shkronja gjaku e, që koha u ka dhënë shkelqimin e arit, e, ky moment është 70-vjetori i Çlirimit tënd nga pushtuesit nazi-fashistë e bashkëpunëtorët e tyre. Kombet e popujt kanë në historinë e tyre pika fillimi e vijimësie, të cilat harkojnë si ylbere në qiellin e lirisë së tyre.
E, pa dyshim, që një pikë e tillë, nga ku nis një nga harqet e fitoreve tona historike, është data 29 Nëntor e vitit 1944. Shtatëdhjetë vite po kalojnë që nga ajo datë kryedatë e, lavdia e saj, jo vetem që nuk është zbehur, por përkundrazi, është rritur e ndritur edhe më shumë. U deshen të derdhen lumenj gjaku nga zemra e madhe e kombit tonë për ta ruajtur lirinë, në ato pak moment që e kishim. Ja që, edhe pushtimi i trojeve tona dhe mohimi i lirisë për popullin tonë liridashës e paqedashës, në harkun kohor, shtatë Prill 1939 – 29 Nëntor 1944, nga pushtuesit
fashistë italianë e, më vonë, nga nazistët gjermanë, i shkaktoi edhe shumë e shumë plagë të reja në trupin e lodhur nga luftrat e mëparshme për ekzistencën e vet.
U desh që në zjarrin e më të madhes epope dhe më të lavdishmes pjesë të historisë tonë, në atë periudhë që njihet me emrin lavdimadh si, Epopeja e lavdishme e LANÇ, të shkruajmë historinë tonë të re me gjak djemësh e vajzash, bijë e bija nga më të mirët që kishin lindur nënat shqiptare .
Është ai gjak e, ato jetë të njoma, të nderprera nga vdekja heroike, në lulen e rinisë,të vëna në themelet e Shqiperisë se rë historike që ia ndryshuan përfundimisht rrjedhen historisë tonë, një rrjedhë që mori kahun e ngjitjes në vend të ngecjes e të rrokullisjes në greminat historike, ku shpeshherë e kishim parë veten në të kaluarën e kahmotshme.
Shtatëdhjetë vite që nga lindja e lirisë së vertetë për popullin tonë, që nga ajo datë që ka hyrë në historinë tonë me plot dinjitet, krenari, madhështi e lavdi, që nga 29 Nëntori i vitit 1944.
Kjo datë historike, motër e tjetrës datë, po aq historike, e 28 Nëntorit 1912, i bëjnë nder historisë tonë kombëtare njëlloj e pandashëm nga njëra- tjetra. Në lartësinë e 70 viteve të lirisë së vertetë të Shqiperisë time, ky hark kohor shkelqen me dritën e Diellit dhe rrezaton jetë, krenari, madhështi, pavdekësi.
Liria që festojmë në këtë 70-vjetor na kujton se nuk guxojmë të prekim themelet e muret e saj, se nuk guxojmë të errësojmë e nxijmë dritën e lavdinë e saj. Shtatëdhjetë vjet e lirënëna ime Shqiperi!
Nga lartësia e shtatëdhjetë viteve, Shqiperia ime ka çfarë të na tregojë, të na mësojë , të na kritikojë e, pse jo edhe të na e tërheq edhe veshin, si nëna fëmijës. Unë e ndjej se Nëna Shqiperi do të meritonte ende më shumë nga çdo njëri prej neshë. Unë po e prek me zemer zemren e Nënës Shqiperi dhe, kjo prekje po më thotë shumë, aq shumë sa, ndjehem pa fuqi që t’ia sheroj ndonjë plagë që iu shtua mbi trup kësaj nëne, ndonëse në kushte lirie.
E ndjej se kjo nënë shpesh herë në jetën e vet u vetësakrifikua për ne, prandaj arsyeja dhe përgjegjësia jonë në çdo veprim e gjykim tonin ndaj kësaj nëne, nuk bën të luhatet, për ta vendosur Nënën, në hamendësinë hamletjane.
Në çdo hap që bëjmë e, do të bëjmë në jetë, duhet të mendojmë që ata hapa të jenë edhe hapat e Nënës. Ajo na mësoi hapat e parë të ecjes e ne, ata hapa duhet t’ia vëmë në sherbim të ecjes së saj të pandalshme. Jam krenare që jam bija jote, Shqiperia ime!
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
eli - http://sq.yourliterary.com/vepra/Ese+argumentuese/70+vjetori+i+clirimit/3565
Vepra te ngjashme
mbrojtja e mjedisit
Lloji: Ese argumentuese
Ambienti është ai në të cilin njeriu zhvillon veprimtarinë e tij jetësore dhe pa të, ai nuk d...
Ese
Lloji: Ese argumentuese
Muzika ?? Eshte e vetmja gje qe te qetson dhe e vetmja gje qe te ben te ndjehesh mirë. Muzika eshte...
ndotja e natyres dh...
Lloji: Ese argumentuese
Natyra eshte gjithcka ne kemi ajo eshte e brishte dhe demtohet lehte.Nje menyre e mbrojtjes se natyr...
Padrejtesite e shek...
Lloji: Ese argumentuese
Viti 2013.Ende krime dhe mizori ne bote.A do te mbaroje ndonjehere valle?Nje lufte njerezore qe ka f...
a mendon kompjuteri...
Lloji: Ese argumentuese
shpesh here pyesim veten se deri ku mund te arrije 'zgjuarsia' e nje kompjuteri .kompjuterin ne e pe...
Je ti
Lloji: Ese argumentuese
J͟E͟ T͟I͟
E thjeshtë nganjëherë mendoj që vitet ende skanè kaluar, jemi prap ne tè njejti...
NJE BOTE E DENJE P...
Lloji: Ese argumentuese
Prinderit,familja,mjedisi si dje dhe sot e ne te gjithe kohet kane ndryshuar.Ata u japin femijeve da...
Gjuha shqipe
Lloji: Ese argumentuese
Gjuha,identiteti i nje kombi.
Te dua,shqipe!Gjuha shqipe,
gjuha e 6-milione shqiptarve te tj...
Lloji: Ese argumentuese
Njerëzimi që prej fillimit te kohërave ka krijuar ato që kanë sjelle fatkeqësite e tij më të...
Dilema e se ardhme...
Lloji: Ese argumentuese
Nje popull i ditur di si ta zhvilloje vendin e tij. Ai mund te punoje edhe jashte vendit te tij si n...
Gjyshe me mungon :/
Lloji: Ese argumentuese
Ishin rralluar ditët , kur mbizotëronte I ftohti dhe acari, pasi tashmë po merrte fund dhe sina b...
vjeshta
Lloji: Ese argumentuese
sa me pelqejne ditet e embla te vjeshtes.vendi ka veshur nje kemisheze te arte.pemet kane marre ngjy...
Shto komentin tend per vepren e mesiperme:
Mos perdorni fjalor banal! Komentet me fjalor banal do te fshihen!
