Lloji: Ese pershkruese Tema: E ardhmja qe dua Autori:Autori eshte i fshehur! Shkolla: Anonim Klasa: Anonim Qyteti: Anonim E-mail:Email eshte i fshehur!
E ardhmja është ajo që më pret, ajo për të cilën unë po përgatitem. Është e vërtetë se secili nga ne, e ka në dorë të vet të ardhmen e tij. Është si ndërtimi i një pallati gjigant. Me të vërtetë që nëse e sheh në vija të trasha, është vetëm të lyesh tullat me llaç, ama hollë e hollë duhet të përgatitesh për përmasat e pallatit, për numrin e tullave që do të duhen, për sasinë e llaçit që do të përdorësh, për numrin e dhomave që do krijosh e për numrin e kateve, sa lart do ta çosh. Dhe nëse je i përgatitur për këtë investim, hap pas hapi tullat do të vendosen njëra pas tjetrës. Ndërthurja e këtyre elementeve me punë, mund të krijojë të ardhmen. Pra, kështu e konsideroj une procesin e ndertimit te saj dhe besoj se nëse qëndron dëshira, vullneti e puna, tullat s’do të mbarojnë kurrë. Ama, për të arritur në qellimin e ndërtimit të saj, baza e formimit tonë merret nga familja dhe edukata që ajo na jep. Synimi i edukimit është zbulimi, zhvillimi i aftësive, njohja e botës që na rrethon, e shoqërisë dhe arritja e ekselencës morale. Aty është baza e punës që prindërit kanë ushtruar tek fëmijët e tyre. Në çastin që ne kemi krijuar personalitetin tonë, zbulohet vëmendja që i kemi kushtuar këshillave prindërore. Rrënjët që kemi për të zgjeruar në të ardhmen dhe fruti që do të krijojmë janë të ndikuara pjesërisht nga këto. Gjithashtu, ndikon shumë edhe roli i shkollës në jetën tonë. Sa me të arsimuar të jemi, aq më të formuar dhe të përgatitur jemi për sfidat e jetës. Si gjithë të tjerët, mendoj që të ardhmen time, ta ndërtoj në një mënyrë të veçantë, në një mënyrë që të jem e lumtur, të jem e kënaqur me punën që do të bëj për të arritur aty. Sidoqoftë, edhe kur gjithçka të jetë e arritur, nuk mendoj se ky do të jetë fundi i provave të jetës, ama të jem e stërvitur mirë. Aktualisht, Toka ka disa probleme të përbashkëta globale, dhe nëse ato anashkalohen, mund të ketë pasoja shumë të rënda. Unë dua që në të ardhmen time, të reduktohet ngrohja globale, deri në norma të pranueshme të saj, ndotja e ajrit, ujit e tokës të mos ndikojë në cilësinë e jetës tonë, shpyllëzimi e djegia e pyjeve të ndalohen dhe gjuetia e paligjshme të përfundojë. Në të ardhmen time dua që kur të gjitha këto gjëra të rregullohen, njerëzit dhe natyra të jetojnë së bashku në harmoni. Gjithashtu, ka edhe probleme të tjera, siç janë luftërat, dhuna, vrasjet, përçarje familjare dhe emigracioni. Sot e kësaj dite, bota po vuan nga luftra në disa nga vendet e saj. Në të ardhmen time dëshiroj që të mos ketë më luftra, që familjet të mos përçahen e të shkatërrohen kur shteti zien nga lufta, fëmijët e pafajshëm të mos bien pre e kësaj bote mizore dhe që gratë të mos dhunohen nga injoranca e padituria njerëzore. Ka njerëz të varfër në të gjithë botën. Në të nesërmen e artë, dua që këto njerëz të thjeshtë e të varfër mos të torturohen e të vriten nga genocide fetare, gjinore, raciste, mos të ketë prindër të pashpresë për të ushqyer familjen e tyre të uritur, mos të ekzistojnë fëmijë të vegjël e të pambrojtur që bëhen viktima, pasi duan të marrin një copë bukë. Gjithashtu, dëshiroj që shtetet që janë drejt shuarjes së tyre për shkak të emigracionit të njerëzve për një jetesë më të mirë, të të gjitha aspekteve, të rregullohen, korrupsioni të zhduket, të ketë solidaritet dhe miqësi në ato vende. Poashtu, dua që sëmundjeve tmerrësisht të rënda, siç janë kanceri, turberkulozi, malaria, etj. t’u gjenden mjekime ekzakte për të gjithë njerëzit, dhe ndërkohë që shkenca të evulojë të ketë një zgjidhje për secilën prej tyre. Pra, në të ardhmen time dua që çdo gjë të jetë paqësore, të zgjidhen pa dhunë, situatat problematike globale të zhduken, genocidet e pamëshirshme të eleminohen. Njerëzit duhet të sensibilizohen për të gjitha këto gjëra sot, kurse nesër këto probleme të jenë të zgjidhura ose drejt përfundimit të tyre. Në të nesërmen që unë ëndërroj dua që bota të ketë evoluar, të ketë avancuar. Shpresoj që të jetoj në një nga shtetet më të përparuara të Europës, ama njëkohësisht dua që edhe vendi im, Shqipëria të bëhet njësoj si ta. Në vendin që do të jetoj, perveç profesionit që do të bëj, dua të jap kontributin tim maksimal për personat në nevojë dhe që shoqëria e atij vendi, të jetë një shoqëri e mirë. Dua një jetë të thjeshtë dhe të lumtur, t’i bëj ballë çdo prove të jetës. Të ardhmen time e shoh ndryshe nga e tashmja. Jam e sigurtë që e nesërmja, që unë ëndërroj, është diku atje, thjeshtë duhet të shtrij duart e stervitura nder vite që ta kap.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
