Të nderuar zonja dhe zotërinj deputetë të Kuvendit të Shqipërisë.I nderuar Zoti Kryeministër dhe ju Zoti Kryetar i Parlamentit.Teksa po vija drejt kësaj foltoreje goxha të ngritur,një pyetje më lindi.E do kisha dëshirë ta ndaja me ju.A mundet që të thuhen në mënyrë të përmbledhur,ashtu shkarazi,që të gjitha sfidat dhe problematikat e vendit tonë ? Që peshojnë sa një gur i rëndë mbi shpinën e tij.Vallë,a mund të bëhet kjo ? Unë them se jo.Sepse,për të diskutuar tërë shqetësimet e situatën aktuale të Shqipërisë,do duhej jo një mbledhje parlamentare,as dy,por më shumë.Por kështu nga rrethanat e tilla,lipsemi që të flasim shkurt.
E di që,nën sytë tuaj,zonja dhe zotërinj deputetë mund të dukem thjesht një djalosh 18-vjeçar me shpatulla të njoma.E që është në lulen e jetës.Ama, kjo nuk më bën të paaftë që të shoh gjendjen e vuajtur të popullit shqiptar.Të cilit i ka humbur shpresa dhe vizioni për një të ardhme më të mirë shumë kohë më parë.Që është në një luftë të përditshme,madje dhe absurde me varfërinë e tejskajshme.Dhe për të gjithë këtë , kush e ka patur dhe e ka fajin ? E që duhet të mbajë mbi supe një përgjegjësi të tillë.Fajin kryesor e keni JU ! Pse,menduat vallë mos e kishte dikush tjetër ? Atëherë kam dëshirë të citoj një intelektual të shquar shqiptar,siç është Faik Konica.I cili thoshte : Shqipëria lindi nga Zoti,shpëtoi nga rastësia,vdiq nga politikanët
Një ditë, më pyetën se cila ishte arsyeja kryesore që e ka shpënë popullin tonë në këtë gjendje.Dhe unë,pa më të voglin dyshim thashë : Korrupsioni.E dini pse ? Sepse korrupsioni të çon në vështirësi e absurditete të tjera shqiptare.Besoj ju e dini më mirë sesa unë.Çdo ditë,ashtu në mënyrë të rëndomtë,pa na bërë më përshtypje,shuma parash që kanë vulën e krimit,padrejtësisë që futen në xhepat e njerëzve të pushtetshëm.Madje dhe në xhepat tuaj.Nëse do ua kontrollonte ndokush,me siguri që do i gjente që tani.
E kush vallë do ua kontrollojë juve ? Kush ka ngelur që të nxjerri në pah aferat korruptive dhe kriminale që bën qeveria.Përgjigja është : Asnjeri. Dhe një që ishte,ja mbyllën gojën njëherë e mirë.Eh,pra në Shqipërinë tonë ,liria e shprehjes është pothuaj inekzistente.Njerëzit kanë frikë.Kanë frikë që të thonë atë çka mendojnë.Ta shprehin haptazi dhe pa censurë,atë çka e shqetëson popullin dhe padrejtësitë që i bëhen
Si përfaqësues i rinisë shqiptare,këtu në parlament,doja të shprehja një problem.I cili po e godet fuqishëm këtë grupmoshë.Është mungesa e një perspektive dhe shpresës për ta.Jo,këtë gjë as që mund ta vini re.Pasi ju i keni fëmijët tuaj,të sistemuar në universitetet më prestigjoze të Evropës.Kur në fakt,ndërkohë të gjitha gjeneratat që po vijnë,ushqehen me idenë e largimit nga Shqipëria.Se nuk ka arsye për të jetuar këtu.Masivisht,mosha e re,ka marrë rrugët e emigracionit.Duke mos u kthyer më.E keni idenë se sa shkatërruese është kjo për një komb ?
Në këtë vend,nëse ti nuk je pushtetar ose të kesh lidhje me ta,nuk mund të arrish pothuaj asgjë.Kjo,dhe shumë faktorë të tjerë si : keq-menaxhimi i burimeve dhe të ardhurave,ka sjellë që niveli ekonomik në Shqipëri të jetë në nivele të ulëta.Ku shumica e degëve të ekonomisë janë ende të prapambetura.Dhe shumë larg standarteve të familjes evropiane.Aty ku aspirojmë të përfshihemi.Me tërë këto pasuri minerale,turistike,natyrore,ve ndi ynë duhej radhitur krah vendeve më të zhvilluara.Por ja që fjalët : varfëri,mbijetesë ekonomike ekzistojnë akoma në fjalorin e shumë shqiptarëve
Kuptoj,mbase ju kam drejtuar shumë pyetje që nuk mundeni ti jepni dot një përgjigje.E drejtova gishtin gjithmonë te ju,zonja dhe zotërinj deputetë.Pa e ditur se fillimisht,gishtin duhet ta drejtoja nga vetja.Jo vetëm unë,por dhe qytetarët e tjerë.E dini pse ? Sepse po të ishim në gjendje ta bënim këtë,do kishim në krye të vendit njerëz më të zotë.Që do i jepnin atij drejtimin e duhur.Andaj,për interesin e përbashkët kombëtar,duhet t’i lëmë interesat vetjake momentale.E të punojmë fort për ndërtimin e një të ardhme të sigurtë për fëmijët tanë.Sepse e ardhmja shkruhet sot ! Dhe ditë më të mira për Shqipërinë do vijnë.E kjo është ajo gjë që duhet të shërbejë për të na motivuar çdo ditë.
Ju faleminderit !
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
Kevin Çika - http://sq.yourliterary.com/vepra/Tekst+argumentues/Fjalimi+politik/7452
Vepra te ngjashme
Hala jom i njëjti
Lloji: Tekst argumentues
.........."Hala jom i njejti"............
Teksti:
👇
U bo koh që më le ti
për ty po , m...
Njohja e gjuheve te...
Lloji: Tekst argumentues
Njohja e sa me shume gjuheve te huaja duhet per punen. Ato japin me shume mundesi per punesim brenda...
Macja
Lloji: Tekst argumentues
Kafsha ime e preferuar eshte macja. Ato gjenden ne ngjyra te ndryshme, ato ngjyre gri jane te zakons...
Roli i debatit ne j...
Lloji: Tekst argumentues
Teza: Debati ka një rol të rëndësishëm në zhvillimin e nxënësve, duke i ndihmuar ata të zhv...
Historia - ajo që ...
Lloji: Tekst argumentues
Shume s'e kuptojne. Shume e shohin vetem si nje germadhe plot me numra, data e ngjarje qe pershkruhe...
