Pranvera nuk është thjesht stina e parë e vitit.Ajo është stina e rilindjes ,gjallërisë
,ngjyrave ,melodisë .Pranvera është stina ku natyra na buzëqesh të gjithëve .Është kapitulli me shkronja të gjelbërta në librin tonë të jetës .
Monotonia e ditëve me shi ,e qiellit të zymtë thyhet nga rrezet e para të diellit që na përshëndesin çdo mëngjes . Ato rreze të arta janë alarmi ynë i mëngjesit .Na ftojnë të hapim sytë e të shijojmë këtë ditë të bukur pranverore .
Pas 6 muajve duket se më në fund dielli i dëgjon lutjet tona dhe qëndron më gjatë në qiellin ,tanimë të kaltër me re të bardha si pëlhura prej mëndafshi ,që qëndrojnë pezull në ajër .Ndërsa flladi i lehtë na tërheq ëmbël nga flokët duke na nxitur të dalim nga ajo dhoma e ngrohtë në të cilën kemi ndenjur më tepër këto muaj ,se atje jashtë na pret një imazh i qëndisur aq bukur sa në ëndrrat tona të këtyre muajve të zymtë me shi dhe dëborë .Ajri i pastër na mbush mushkëritë .Lulet shumëngjyrëshe përhapin një aromë dehëse që ngacmon ndjenjat tona .E na bën më kurioz për të zbuluar atraksionet e ofruara nga Pranvera .Uji nëpër oqeane ,dete ,lumenj ,liqene fillon të shkrijë .Gurgullima e ujit të freskët që rrjedh nga shpatet e maleve dhe burimeve i shtohet orkestrës simfonike të Pranverës .Orkestra me melodinë më të bukur e më të shumëllojshme që mund të kemi dëgjuar .Kjo melodi e bukur zgjon nga gjumi letargjik edhe disa kafshë .Edhe ata i bashkohen kësaj përralle me emrin "Pranverë".Qiellit i kthehen miqtë e tij më të mirë zogjtë shtegtarë,të cilët nisin fluturimin për në vendin e tyre ku tashmë Pranvera ka mbërritur .Cicërimat e tyre i shtojnë gjallëri qiellit .Bota duket sikur është më e zhurmshme se kurrë . Shkollave u vjen fundi dhe zërat e hareshëm të fëmijëve janë doza të tjera që i shtohen përrallës Pranverore . Në këto kushte shtohen ndjenjat dhe dëshirat për tu ulur në barin e njomë e për të hedhur në letër disa vargje për këtë parajsë të tokës . Gjithë këto pjesëza të bukura formojnë një pazull me emrin "Pranverë" .
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
