ymë. Dje me 23 mars u fute në dhè dhe ti,gjyshe e dashur ike dhe më le . Re në një gjumë aq të thellë ,saqë as lutjet e mia për t'u zgjuar nuk funksionuan dhe hyre në dhè por s'më more me vete të të shoqëroja edhe pse t'u luta . Të pyeta se pse po fle kaq shumë por përgjigje nuk më ktheve dhe sytë m'u mbushën me lotë saqë të laga ty në arkivol. Gjithmonë mendoja me vete se ti do më shikoje me vello të bardhë ,të ishe pjesë e imja në dasmën time edhe pse jam akoma e vogël , mendoja se ti do më fshije lotët kur do të kisha nevojë për mbështetjen tënde ,mendoja se ti do më përkedhelje flokët me duart e tua të plakura duke më thënë se je pranë meje dhe se s'do më lësh kurrë vetëm . Tani edhe pse po fle e qetë nën atë dhè dua që t'a dish se sa shumë të kam dashur ,sa shumë të dua dhe sa shumë do të të dua deri sa të kem jetë por edhe kur të vdes dhe të vij aty ku je ti dua që të më presësh me krahë hapur dhe të të përqafoj ashtu siç të përqafoja kur ishe me ne ashtu siç duhet të të përqafoj unë ty ,Me mall për zërin tënd të ëmbël , për sytë e tu të bukur , për aromën tënde prej gjyshje , për thinjat e tua të bardha , për duart e tua të buta dhe të rrudhura . Me pak fjalë më mungon çdo gjë e jotja , çdo gjë . Shpresoj të të shoh çdo natë në ëndërr që malli mos të më vrasë zemrën sepse s'të kam pranë . Të gjithë qanin për ty madje i'u ra edhe të fikët por unë thërrisja "Zgjohu gjyshe ,mos fli kaq gjatë të lutem zgjohu dhe mos më ler vetëm" dhe pyesja veten pse s'po zgjohesh . Edhe pse mendja e dinte arsyen zemra s'e pranonte kurrsesi se ti tashmë s'mund të ishe me mua dhe se shpesa ime ishte e kotë por unë prapë shpresoja dhe s'hiqja dorë prej teje . Gjyshe unë kurrë s'do të të harroj dhe as ti mos më harro mua dhe të lutem jeto në zemrën time dhe më mbaj mua në zemrën tënde . Më mungon që tani gjyshe. Të dua shumë dhe do të të dua gjithmonë .
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
