Sa herë kam qenë e mërzitur dhe i kam bërë vetjes një pyetje: “Pse jetoj unë?”, sa herë kam menduar t’i kthej përgjigje asaj pyetje, por çdo herë kam mendime të ndryshme. Jam e sigurt që jo pa qëllim u lindëm në këtë planet të vogël, jo pa qëllim jemi njerëz.
Çdokush ka misionin e tij në jetë. Sikur yjet që zbehin errësirën ashtu janë edhe njerëzit në Tokë. Njerëzit janë ndryshe nga gjallesat e tjera, sepse Zoti na dha aftësinë e të folurit dhe të menduarit, për të shprehur mendimet tona, për të përmirësuar botën, për të ndihmuar të tjerët. Ne nuk lindim vetëm për të jetuar dhe për të vdekur, por vijmë në këtë botë dhe krijojmë miqësi, krijojmë familje, mësojmë dhe ndjekim ëndrrat tona. Në një farë mënyre ky është misioni ynë, por ai nuk është i njëjtë për të gjithë.
Ashtu sikur disa njerëz janë të mirë në Matematikë e disa janë të mirë në Gjuhë, ashtu ndryshon edhe misioni ynë, sepse të gjithë kanë aftësi dhe talente të ndryshme. Si do të ishte Bota sikur të gjithë të kishin qëllime të njëjta? Do të ishte e pakuptimtë!!! Ja pra, pse ne jemi lindur me një mision të veçantë. Disa bëhen biznesmenë e disa jo, disa bëhen të pasur e disa jo, disa i arrijnë ëndrrat e tyre e disa jo.
E di që ka raste që misioni ynë bëhet i vëshirë dhe na duket sikur bota përmbyset,megjithatë ne sërish jetojmë, jetojmë por shpresa nuk humbet kurrë. Mbase në të vërtetë është KY misioni dhe qëllimi ynë, të jetojmë me shpresë dhe të gëzojmë çdo moment. Ndonjëherë jeta mund të na duket aq e shkurtër dhe e vështirë, prandaj nuk ka kohë ta harxhosh duke u mërzitur apo duke qarë, por qesh, qesh sepse buzëqeshja të zgjat jetën.
Një shprehje e urtë thotë: “Nëse s’mund të luftosh, vrapo, nëse s’mund të vraposh, ec, nëse s’mund të ecësh, përpiqu dhe mos e humb kurrë shpresën". Unë e shkoj këtë shprehje si qëllimin tim dhe e di se nëse besoj te vetja ime, gjithmonë ia dal.
Ja pra ne jemi në Tokë për një MISION, për misionin më të bukur në botë, për të dhuruar dashuri dhe shpresë. E kuptuat më në fund pse të gjithë kemi misione të ndryshme?! Sepse të gjithë e shohin botën me një sy tjetër. Mjafton të mos harrojmë kurrë që jemi ne që i vendosim qëllimet tona, jemi ne që e zgjedhim misionin tonë dhe jemi ne autorët e historisë sonë, prandaj e kemi ne në dorë të jemi të lumtur çdo ditë.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
Shembull:
Alisa Aliaj - http://sq.yourliterary.com/vepra.php?id=8050&lloji=Ese+filozofike
Vepra te ngjashme
Të drejtat e njeri...
Lloji: Ese filozofike
Sanksionimi i të drejtave dhe lirive themelore në kushtetutë është tregues i nivelit të demokr...
