- Cfarë është një dashuri?
- Një dashuri ka shumë kuptime. Duke filluar nga dashuria për familjen, për mamin, babin, dashuria per një këngë…
- Jo, jo!! Po them për dashurinë e lulëzuar midis dy personave. Një dashuri të fortë e cila nuk këputet sikur të bien mbi të edhe dallgët më të fuqishme e të furishme.
- Ehhhh, ti po thua për atë dashuri! Epo ajo, si të them, e para punës është diçka platonike duke filluar me një pëlqim, me një përqafim, me një shkëmbim emrash të instagramit. Më pas padashur fillon të bëhët diçka universal ku ti papritur kupton se nuk mund të rrish as një orë pa i shkruajtur në instagram, ose ose pa ia parë profilin minimum 3 herë në ditë. Sa herë që ke për t’a takuar, buzët e tua automatikisht do të jenë duke qeshur, zemra jote do të dridhet sa herë të dëgjosh zërin e tij, sytë e tu do të përpëiten shumë shpejt kur të shohësh sytë e tij. Nuk është aspak e lehtë të biesh në dashuri, por kur do të biesh nuk do ta kesh të lëhtë për t’u ngritur.
- Waw si nëpër përralla!! Por nëse një ditë do zgjohem dhe do kuptoj që nuk e dua më?
- Hahahaah pse ti mendon se ai do të jetë një lodër për ty, që sot thua e dua dhe nesër jo? Gabim! Ai ka për të qenë gjëja më e rëndësishme për ty. Ke për të lënë vetën tënde pas dore veç që ai të mos merzitet. Nuk do të kesh orë që të mos mendohesh për të.
- Cfarëëëë? Ti thua se un duhet t’i përkushtohem veç atij dhe veten ta lë pas dorë? Jooo kjo do të ishte e tepërt.
- Trego durim se do të ta shuaj dhe ktë kureshtje. Në një dashuri gjithçka është reciproke. Sa herë që ti do të kujtohesh për të, ai gjithmonë ka për të qenë aty për ty. Do të jetë shpatulla ku ti ke për t’u mbështëtur, ka për të qenë ai kllouni i cirkut për të bërë ty për të qeshur kur je e mërzitur, ka për të qenë gjykatësi kur ti do të jesh në zgjidhje të vështira, do të jetë një baba i përkushtuar ndaj fëmijëve të tij. Por më e rëndësishmja, ai ka për të qenë lumturia jotë.
- Vetëm kaq është dashuria? Nuk do të ketë zënka, grindje, mosmarrveshje?
- Patjetër që po. Do të ketë mërzi, mëri. Në një dashuri nëse nuk ka të tilla gjëra atëherë i bie që është veç interes. Ndoshta keni për të kaluar dhe kriza, por forca e dashurisë është tepër e madhe, ajo ka për të dalë mbi gjithçka. Ke për ta parë që çasti I pajtimit është çasti më i ëmbël që mund të ekzistojë mes dy të dashuruarve.
- A mendon se jeta është tepër e gjatë për ta kaluar?
- Hmmm le të themi që jo. Fillimisht kur të biesh në dashuri ke për të pasur “turpin e vajzave” për t’ua thënë prindërve që një djalë ka hyrë në zemrën e saj. Më pas ai ka për të ardhur në shtëpinë tënde ku ka për të kërkuar dorën. Do vazhdoni të bashkëjetoni deri në ditën kur do të hidhni firmat në gjendjen civile. Ai ka për të djegur shaminë e beqarit dhe ti kë për t’u dukur një princeshë në sytë e tij. Secili ka për të vajtur në punë dhe momenti i darkës që do të takoheni do të jetë tepër i ngrohtë. Do të vijë një ditë kur do të mbani në krahë fëmijtë e juaj. Do të kalojnë shumë netë pa gjumë kur ndonjëherë ka për t’u ngritur dhe ai kur fëmija të qajë. Do t’i rrisni, do ti edukoni, do t’i çoni në shkollë. Kur ata të rriten do t’ju tregojën juve se kanë dikë në zemër dhe juve do t’ju kujtohet ajo ditë kur jeni njohur. Do të bëheni gjyshër, do të mbani nipërit e mbesat në prehër. Dhe kur një ditë do ta gjeni veten afër asaj që quhet pafundësi do t’i thoni njëri-tjetrin “Ne i’a dolëm”! Ja pra kjo është dashuria: të jesh dhe ta duash deri në pafundësi.
Ndalohet rreptesisht ri-botimi i paautorizuar i veprave te postuara ne kete
website neper website te tjera!
Perjashtim ben rasti kur shkruani emrin e vertete te autorit te vepres se
bashku me linkun zyrtar te vepres!
